आत्तापर्यंतच्या स्पर्धेत मुंबई व्यतिरिक्त, पुणे, नाशिक, पनवेल, अंबरनाथ, डोंबिवली, बदलापूर या परिसरातील शाळा संस्था स्पर्धेत सहभागी होत आल्या आहेत.
स्पर्धेचं हे चाळीसावं वर्ष आहे. याचे औचित्य साधून चाळीशीत गेलेल्या या स्पर्धेला गावांगावातून सहभाग मिळावा, महाराष्ट्रात सर्वदूर ही बालरंगभूमीची ही चळवळ पोहोचावी म्हणूनच यावर्षी ही स्पर्धा महाराष्ट्राभरात घेण्याचा मानस आहे.
सध्या अद्ययावत तंत्रज्ञान मोबाईल फोन च्या माध्यमातून प्रत्येकाच्या हातात पोहोचले आहे. याच उपलब्धतेचा वापर करून या स्पर्धेची प्राथमिक फेरी दृक्श्राव्य स्वरूपात घेऊन त्यातील अंतिम १६ बालनाट्यांची निवड केली जाईल व त्यांची अंतिमफेरी १७-१८ डिसेंबर २०२६ दरम्यान यशवंत नाट्य मंदिर माटुंगा, मुंबई येथे होईल.
मुंबईच्या महापौर श्रीमती किशोरीताई पेडणेकर यांची भेट घेऊन मंडळाच्या काही पदाधिकाऱ्यांनी त्यांना २०१९ रोजी बालनाट्य स्पर्धे दरम्यान स्मृतीपूर्ण ही प्रकाशित केलेली स्मरणिका भेट दिली.
यासोबत महापालिकांच्या शाळेत बालनाट्य सादर करून मोबाईलच्या अतिवापरामुळे होणारे दुष्परिणाम या विषयी जनजागृतीसाठी चर्चा करण्यात आली.
